Séní í fjarskiptum – Netsnillingur
Description
Séní í fjarskiptum
- Netsnillingur
- Mar 2024 Fullt starf
Nova leitar að lausnamiðuðum, metnaðarfullum og skemmtilegum netsnillingi til að starfa við IP kjarna Nova.
Nova rekur eitt stærsta og öflugasta 4G og 5G farnetskerfi á Íslandi og um 60% netnotkunar á farneti fer yfir fjarskiptakerfi Nova á hverju ári og jafnframt því rekur Nova eigið burðarnetskerfi hringinn í kringum landið. Markmið Nova er að bjóða viðskiptavinum sínum upp á bestu notendaupplifun á markaðnum og hefur verið leiðandi í innleiðingu á nýrri tækni á undanförnum árum.
Verkefni
Hönnun og rekstur á IP kjarna
Val á búnaði fyrir netkerfið og samskipti við birgja
Samþáttun netkerfis og þjónustukerfa
Hönnun og útfærsla á vöktun
Hönnun og útfærsla á flóknari netlausnum viðskiptavina
Dansspor sem þarf að kunna:
Yfirgripsmikil þekking á netkerfum og reynsla af rekstri IP/MPLS netkerfa
Nokia SRC / CCNP, háskólamenntun eða önnur sérfræðimenntun tengd netkerfum
Forritunarþekking (t.d. Python) er mikill kostur
Jákvætt viðhorf
Viðkomandi myndi vinna þvert á einingar innan Nova með teymi fólks með fjölbreytta tækniþekkingu.
Við hvetjum öll áhugasöm til að sækja um, óháð kyni og uppruna. Umsóknarfrestur er til og með 31. mars. Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur um færni þína til að gegna starfinu.
Aðrar upplýsingar
Hjá Nova starfa um 160 dansarar sem kappkosta alla daga við það að veita framúrskarandi þjónustu. Við státum ekki einungis af ánægðustu viðskiptavinunum á farsímamarkaði fimmtán ár í röð heldur einnig ánægðustu dönsurunum þar sem við hlutum nafnbótina Fyrirtæki ársins árið 2023, fjórða árið í röð 🪩
Nova er skemmtilegur og sveigjanlegur vinnustaður, þar sem ákaflega mikið er lagt upp úr sjálfstæðum vinnubrögðum, skemmtilegu samfélagi starfsfólks, góðum starfsanda og liðsheild. Við elskum að skora á okkur sjálf og hvert annað.
Upplýsingar fyrir umsækjendur
Kíktu baksviðs hjá Nova ef þú vilt vita meira um hvers vegna þú ættir að vinna hjá Nova og sækja um!
👉 https://www.nova.is/baksvids/fyrirtaekid