Sölusérfræðingur hýsinga- og þjónustulausna

Sölusérfræðingur hýsinga- og þjónustulausna

1. Sep 2012 Fullt starf

Vegna aukinna verkefna óskum við eftir að ráða kraftmikinn einstakling í starf sölusérfræðings fyrir Thor Data Center. Ef þú hefur áhuga á að starfa á líflegum vinnustað við hlið fagfólks í fremstu röð, þá erum við að leita að þér.

Starfið felst í söluráðgjöf og tæknilegri aðstoð við gagnahýsingu og rekstrarþjónustu til viðskiptavina. Sölusérfræðingur tekur þátt í að hámarka mögulegar tekjur sviðsins með öflun nýrra viðskiptasambanda og þjónustu við núverandi og nýja viðskiptavini í samræmi við stefnu félagsins.

Helstu áherslur

Greina upplýsingatæknistefnur og viðskiptaáætlanir viðskiptavina til að tryggja að þjónustuframboð og væntingar séu í samræmi

Safna og greina upplýsingar um hugsanlega viðskiptavini; skilja ákvörðunartökuferli þeirra, meta áhrif skipulagsbreytinga og önnur markaðstækifæri

Samskipti við erlenda samstarfsaðila og viðskiptavini

Þátttaka í áframhaldandi þróun og uppbyggingu þjónustunnar

Aðkoma að markaðsgreinigum með tilliti til þess hvar áhrif, aðgreining og tækifæri liggja

Hæfniskröfur

Háskólamenntun sem nýtist í starfi æskileg

Þekking og/eða starfsreynsla á sviði sölu og ráðgjafaþjónustu innan upplýsingatækni

Góð tækniþekking

Mjög góð enskukunnátta og hæfni til að tjá sig í ræðu og riti

Sjálfstæð og öguð vinnubrögð

Metnaður til að ná árangri í starfi

Jákvæðni, þjónustulund og hæfni í mannlegum samskiptum

Um Advania Thor Data Center

Thor Data Center er hluti af Advania. Gagnaverið sérhæfir sig í gagnahýsingu og gagnavinnslu fyrir fyrirtæki. Hjá Thor Data Center hefur verið unnið mikið frumkvöðlastarf hvað snertir markaðssetningu Íslands sem umhverfisvæns valkosts fyrir viðskiptavini gagnavera. Hjá Thor Data Center er frábært starfsfólk með mikla þekkingu á uppbyggingu og högun gagnavera. Thor Data Center er staðsett í Hafnarfirði.

Um Advania

Advania er jafnréttissinnað, fjölskylduvænt og hlúir vel að starfsfólki. Kúltúrinn er frjálslegur og óþvingaður, vinnutíminn sveigjanlegur og vinnuaðstaðan frábær. Kaffið er magnað og maturinn fyrsta flokks. Félagslífið er kraftmikið og uppákomur tíðar. Gildi Advania eru ástríða, snerpa og hæfni.

Umsóknarfrestur er til og með 16. september. Vinsamlegast sendið ferilskrá með umsókn.

---

Upplýsingar fyrir umsækjendur

Umsóknareyðublað hér: http://www.advania.is/um-advania/umsokn-um-starf/umsoknareydublad/

Nánari upplýsingar Nánari upplýsingar veitir Jónína Guðmundsdóttir í síma XXX-XXX-XXXX. Fullum trúnaði er heitið.