AuglýsaUpplýsingarNýskráningInnskráningHafnarfjarðarbærHafnarfjarðarbær er þriðja stærsta sveitarfélag landsins með rúmlega 30 þúsund íbúa og um um 2500 starfsfólk sem sinna fjölbreyttum störfum á um 70 starfsstöðvum um allan bæ. Mannauðurinn er okkur dýrmætur. Lögð er áhersla á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði. Við viljum vera áhugaverður og góður vinustaður og árangur okkar er undir reyndu og hæfileikaríku fólki kominn. Við leggjum áherslu á að skapa starfsumhverfi þar sem starfsfólk fær tækifæri til að efla þekkingu sína, hefur tækifæri til þróunar og fái hvatningu til að sýna frumkvæði og njóta sín í starfi sem skilar sér í aukinni starfsánægju og góðri þjónustu við bæjarbúa. Við erum heilsueflandi vinnustaður og viljum að öllum líði vel í vinnunni og bæði stjórnendur og starfsfólk leggja sitt að mörkum við að ýta undir og skapa sem best vinnuumhverfi á öllum okkar starfsstöðvum. Ef þú hefur áhuga á að bætast í hóp starfsmanna hjá Hafnarfjarðarbæ þá hvetjum við þig til að senda inn umsókn. VinnustaðurinnVinnustaðurinn

Safnstjóri skólasafns

• Skarðshlíðarskóli

Skarðshlíðarskóli óskar eftir drífandi og kraftmiklum safnstjóra í 80 - 90% starf.

Gildi skólans eru samvinna, vinátta og þrautseigja. Í Skarðshlíðarskóla eru áhugasamir og skemmtilegir nemendur, metnaðarfullt starfsfólk og öflugur foreldrahópur. Við leggjum áherslu á góðan starfsanda, teymiskennslu, fjölbreytta kennsluhætti, SMT skólafærni og að allir nemendur nái góðum árangri í leik og starfi. Mílan er órjúfanlegur hluti af skólastarfinu en í því felst að nemendur og starfsfólk fer út daglega og gengur, skokkar eða hleypur í 15 mínútur.

Innleiðing á UDL (Universal Design for Learning) hófst haustið 2020. UDL veitir nemendum möguleika á að læra á ólíka vegu og að sýna kunnáttu sína á ólíka hátt. Nemendur eru virkir og hafa áhrif á eigið nám.

Skarðshlíðarskóli er heildstæður grunnskóli með nemendur í 1. til 10.bekk. Í vetur eru um 530 nemendur í skólanum. Skólahúsnæðið er glæsilegt og er skólinn vel tækjum búinn, með íþróttahús, útibú frá Tónlistarskóla Hafnarfjarðar og fjögurra deilda leikskóli í samtengdu skólahúsnæði.

Helstu verkefni og ábyrgð:

• Halda utan um starfsemi bókasafnsins
• Annast innkaup á nýjum bókum/safnkosti
• Skrá og flokka bókakost safnsins
• Aðstoða nemendur við upplýsingaöflun og bókaval
• Starfa náið með starfsfólki og veita þeim ráðgjöf
• Fræðsla um bókasafns- og upplýsingalæsi
• Þátttaka í lestrarhvetjandi verkefnum
• Þátttaka í þróunarverkefnum skólans
• Önnur verkefni samkvæmt starfslýsingu og sem yfirmaður felur starfsmanni

Menntunar- og hæfniskröfur:

• M.A próf í upplýsingafræði eða B.A próf í upplýsingafræði og mikil starfsreynsla á sérsviðinu.
• Þekking á Ölmu bókasafnskerfi kostur
• Reynsla og þekking af störfum á bókasafni æskileg
• Nákvæmni í vinnubrögðum
• Brennandi áhugi á starfi með börnum og ungmennum
• Hæfni til að tjá sig í ræðu og riti á íslensku og ensku
• Góð samstarfs- og samskiptahæfileikar
• Geta til að aðlagast breyttum aðstæðum
• Frumkvæði og skipulagshæfileikar
• Mjög góð tölvukunnátta

Ráðið er í stöðuna frá 1. ágúst 2026

Skilyrði við ráðningu er að viðkomandi hafi hreint sakavottorð.

Nánari upplýsingar gefur Ingibjörg Magnúsdóttir, skólastjóri, í síma XXX-XXX-XXXX eða Margrét Lilja Pálsdóttir, aðstoðarskólastjóri, í síma XXX-XXX-XXXX.

Umsóknarfrestur er til og með 13. apríl 2026.

Greinagóð ferilsskrá fylgi umsókn.

Launakjör eru samkvæmt kjarasamningi Sambands íslenskra sveitarfélaga og BHM.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagins.

Auglýsing birt30. mars 2026Umsóknarfrestur13. apríl 2026Sækja umVistaDeilaTungumálahæfniÍslenskaNauðsynMjög góðStaðsetningHádegisskarð 1, 221 HafnarfjörðurStarfstegundHlutastarfStarfsgreinarSérfræðistörfStarfsmerkingarBókasafnsfræðingurSafnafræðingurUpplýsingafræðingurSækja umFleiri störf (44)Sambærileg störf (4) Námskeið í boði (4)Má bjóða þér smákökur?Við notum kökur til að greina umferð um vef okkar og bæta upplifun notenda.SérsníðaHafna öllumÞiggja allar kökur