AuglýsaUpplýsingarNýskráningInnskráningHeilbrigðisstofnun VesturlandsHeilbrigðisstofnun Vesturlands (HVE) veitir íbúum umdæmisins og öðrum, almenna og sérhæfða heilbrigðisþjónustu í samræmi við lög og reglur á hverjum tíma. Lögð er áhersla á virðingu, traust og fagmennsku. Velferð skjólstæðinga skal höfð að leiðarljósi. Stuðlað er að virkri sí- og endurmenntun starfsfólks. HVE tekur þátt í menntun heilbrigðisstétta í samvinnu við Háskóla Íslands, Háskólann á Akureyri og aðrar menntastofnanir. Kjarnastarfsemin skiptist á þrjú málefnasvið eftir meginviðfangsefnum. Heilsugæslusvið Læknisþjónusta, hjúkrun, geðheilbrigðisþjónusta, heilsuvernd, forvarnir, slysa- og bráðaþjónusta og annast sjúkraflutninga. Hjúkrunarsvið starfrækir hjúkrunarrými á starfsvæðinu þar sem slík þjónusta er ekki rekin af öðrum. Sjúkrasvið starfrækir umdæmissjúkrahús, almenn sjúkrarými og endurhæfingu. Heilbrigðisumdæmi Vesturlands nær yfir Akraneskaupstað, Hvalfjarðarsveit, Skorradalshrepp, Borgarbyggð, Eyja- og Miklaholtshrepp, Snæfellsbæ, Grundarfjarðarbæ, Helgafellssveit, Stykkishólmsbæ, Dalabyggð, Reykhólahrepp, Strandabyggð, Kaldrananeshrepp, Árneshrepp og Húnaþing vestra.VinnustaðurinnVinnustaðurinn

Sérfræðingur í kvensjúkdóma- og fæðingalækningum

Laus er til umsóknar staða sérfræðilæknis í fæðinga- og kvensjúkdómalækningum við kvennadeild Heilbrigðisstofnunar Vesturlands á Akranesi. Starfshlutfall er 60-89% og er starfið laust frá 1. apríl 2026 eða eftir nánara samkomulagi. Um er að ræða fjölbreytt starf á líflegum vinnustað þar sem boðleiðir eru stuttar og tækifæri til að taka virkan þátt í faglegri þróun, gæðastarfi og öflugri teymisvinnu.

Um starfseininguna

Á deildinni starfar samstilltur hópur sérfræðilækna í nánu samstarfi við aðrar fagstéttir þar sem lögð er áhersla á þverfaglega samvinnu. Fjölbreytt og öflug starfsemi á sviði kvensjúkdómaaðgerða fer fram á skurðstofum flesta daga vikunnar. Veitt er sérhæfð fæðingaþjónusta þar sem konur geta fætt við fullar 37 vikur. Aðgangur er að skurðstofum þar sem svæfingalæknar eru á vakt allan sólarhringinn. Svæfingalæknar HVE eru þjálfaðir í meðferð nýbura og starfa í góðri samvinnu við nýburalækna á Vökudeild Landspítala.

Helstu verkefni og ábyrgð

• Fæðingaþjónusta og mæðravernd

• Göngudeildarþjónusta

• Skurðaðgerðir

• Vaktþjónusta á fæðinga- og kvensjúkdómadeild

• Þátttaka í gæðastarfi og faglegri þróun

• Þáttaka í kennslu heilbrigðisstétta og þjálfun sérnámslækna og önnur sérverkefni í samráði við yfirlækni Menntunar- og hæfniskröfur

• Sérfræðiviðurkenning í kvensjúkdóma- og fæðingalækningum og gilt starfsleyfi frá Embætti landlæknis

• Bakvaktarfærni

• Góð samskiptahæfni, frumkvæði og faglegur metnaður

• Jákvæðni, lipurð og áreiðanleiki í starfi

• Æskilegt að hafa góða íslensku- og enskukunnáttu

• Réttur áskilinn til að hafna umsóknum sem ekki uppfylla skilyrði

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Umsækjendur sækja um á starfatorg.is

• Nauðsynleg fylgiskjöl:

• Ítarleg náms- og starfsferilskrá

• Staðfest gögn um menntun, læknisstörf og vísindavinnu

• Afrit af opinberu starfsleyfi

• Kynningarbréf með rökstuðningi fyrir hæfni og sýn á starfi

Mat á hæfni umsækjenda byggist á innsendum gögnum og viðtölum.

Auglýsing birt27. mars 2026Umsóknarfrestur13. apríl 2026Sækja umVistaDeilaTungumálahæfniÍslenskaNauðsynFramúrskarandiEnskaNauðsynMjög góðStaðsetningMerkigerði 9, 300 AkranesStarfstegundFullt starfHlutastarfStarfsgreinarHeilbrigðisþjónustaStarfsmerkingarHeilbrigðisvísindiLæknirSkurðlæknirSérfræðilæknirSækja umFleiri störf (2)Sambærileg störf (12)Námskeið í boði (4)Má bjóða þér smákökur?Við notum kökur til að greina umferð um vef okkar og bæta upplifun notenda.SérsníðaHafna öllumÞiggja allar kökur